Shariatda muddatli to'lovga mahsulot xarid qilish mumkinmi?

Muddatli to'lov bu kreditmi?

Savol: Shayx janoblari! Xozirgi kunda kupgina birodarlarimiz oldindan 20-30 foiz narxini tulab, kreditga televizor va boshka uy-ruzgor buyumlarini sotib olishmokda va qolgan pulini foizi bilan 1,2,3 yilda tulashmoqda. Bu masalaga shariatimizda ruxsat bormi? Javobingiz uchun raxmat!

Javob bermoqdalar: Shayx Muhammad Sodiq Muhammad Yusuf Rohimahulloh

- Bunday savdoni foizli deyilmaydi. Balki narxni boʼlib toʼlash deyiladi. Misol uchun oʼsha televizorning naqd pulga narxi 700 ming soʼm boʼladi. Nasiyaga olmoqchi boʼlgan odamda birdan toʼlashning imkoni yoʼq. Shuning uchun savdogar nasiyaga boʼlsa, narxi 900 ming, deydi. Xaridor rozi boʼladi va shartnoma tuziladi. Bu shakldagi savdo toʼgʼri. Аmmo ajnabiy tildagi «kredit» soʼzi ishlatilgani uchun koʼpchilik shubhalanishadi. Chunki «kredit» soʼzi qarz maʼnosida ham ishlatiladi. Yaʼni, birovga maʼlum miqdorda qarz berib turish. Bunda berilgan qarz ustiga foyda olinsa, ribo boʼladi.

Manba: https://savollar.islom.uz/s/1846

 

Muddatli to'lov o'zvaqtida to'lanmagani uchun undirilgan jarimalar «ribo» hisoblanadimi?

Savol: Аgar «rassrochka» ga tovar sotayotgan savdo doʼkoni mijoz pulni belgilangan muddatda toʼlolmasa «penya» undirish sharti bilan sotsa va oʼsha undirilgan ortiqcha mablagʼni sotuvchi xohishiga koʼra xayriya jamgʼarmasiga va/yoki jamoat tashkilotiga oʼtkazib beradigan boʼlsa bu riboga kiradimi? Аgar ribo hisoblansa uning oʼrniga qanday shart bilan kelishgan maʼqul. Sababi, afsuski bizning odamlarimizga "vaqtida toʼlamasang ortiqchasi bilan undirib olamiz" degan shart qoʼyilmasa vaqtida toʼlamay yuraverishadi.

«Zikr ahlidan so’rang» hay’ati:

-Unda u shartnoma avvaldan penya emas vaqtidan kechiktirilsa maʼlum bir miqdorni oʼsha xayriya jamgʼarmasiga oʼtkazasiz – deb tuzilishi kerak. Kechiktirsa sud orqali undirib boʼlsa ham oʼsha jamgʼarmaga oʼtkazish kerak. U narsani sotib olish uchun bankdan qarz ham olinmasligi kerak. Chunki bank foizga qarz beradi.

Manba: https://savollar.islom.uz/s/151579

 

Ikki turdagi savdo va ikkita narxni taklif qilish to'g'ri bo'ladimi?

Savol: Men uyali aloqa vositalari savdosi bilan shugʼillanaman. Men naqd toʼlovga savdo qilaman. Endi faoliyatni kengaytirish maqsadida (rassrochkaga) yaʼni pulni oyma-oy boʼlib-boʼlib toʼlash sharti bilan savdoni yoʼlga qoʼymoqchiman. Bank ishtirokisiz. Oʼzim naqd pulga chetdan tovarlarni sotib olib kelganman. Bunda biz kelgan mijozga 2ta taklif beramiz. Birinchisi bitta telefon naqd pulga 1 millionga sotilsa, ikkinchi taklif esa agar mablagʼi yetmasa shu 1 millionlik telefonn muddatli toʼlov (6 oy) oyma-oy boʼlib toʼlash sharti bilan 1 yarim millionga taklif qilmoqchimiz. Naqdga boshqa, boʼlib toʼlashga esa sal qimmatroq sotilishini aytib sotmoqchiman. Shunda shu ish menga xalol boʼladimi? Bu ribo boʼlmaydimi?

«Zikr ahlidan so’rang» hay’ati:

-Ikki narxni aytishingiz joiz, lekin savdo ikkisidan biriga tayin boʼlgan holatda tugasin. Ertaroq olib kelsangiz bu kechroq olib kelsangiz bu deb ikki narxga kelishilgan holda tugatmanglar.

Manba: https://savollar.islom.uz/s/129885

 

Olingan daromad «ribo» hisoblanmaydimi?

Savol: Shayx xazratlari. Yirik savdo tashkiloti bilan bank orasidagi shartnoma shunday: “Savdo tashkiloti o’zining tovarini (mahsulotini) online do'konda 1000 so’mdan sotadi. Shu tovarni (mahsulotni) haqqini ma’lum vaqtda bo’lib berish sharti bilan odamlarga bahosi 1040 so’m qilib sotiladi va bu sotib oluvchi odamlarga haqqini ma’lum muddatga (rassrochka) olayotganligi tufayli 40 so’mga ortiqligi aytiladi. Oluvchi bilan sotuvchi o’rtasidagi shartnomada 1040 so’m ko’rsatiladi. Oluvchi tovar (mahsulot)ning haqqini - 1040 so’mni kelishilgan muddatda bankga to’laydi. Oluvchi bilan sotuvchi va oluvchi bilan bank orasida shartnomalar imzolangandan keyin bank 1040 so’mni savdo tashkiloti hisob raqamlariga o’tkazib beradi. Shundan so’ng savdo tashkiloti esa o’zining 1000 so’miga ega bo’ladi”

Javob bermoqdalar: Shayx Muhammad Sodiq Muhammad Yusuf Rohimahulloh

- Pulni to’lashni kechga surish uchun savdo tovari narxiga ustama qo’yish joiz. Misol uchun naqdga 1000 so’m, nasiyaga 1040 so’m deya.

Manba: https://savollar.islom.uz/s/129884

 

Telegram
Позвонить